شارٹ فال5ہزار900میگا واٹ لوڈشیڈنگ بدستورجاری

29 جولائی ، 2022

اسلام آباد(صباح نیوز)ملک بھر میں بجلی کا بحران برقرار ہے، بجلی کا شارٹ فال 5 ہزار 900 میگا واٹ ہو گیا۔ این ٹی ڈی سی کے مطابق بجلی کی پیداوار 22ہزار 600 میگا واٹ ہے جبکہ ملک میں بجلی کی طلب 28 ہزار 500 میگا واٹ ہے۔ ملک بھر میں 4سے 8گھنٹے کی لوڈشیڈنگ جاری رہی۔ ذرائع لیسکو کے مطابق لاہور الیکٹرک سپلائی کمپنی کا شارٹ فال 400 میگا واٹ ہے۔لیسکو کے مطابق پنجاب کے چھوٹے بڑے شہروں میں 4سے 5گھنٹے کی لوڈشیڈنگ کی جا رہی ہے۔