سابق وزیر اعظم ملک میں انتشار پھیلا رہے ہیں، سمندر خان کاسی

کوئٹہ(پ ر)قوم پرست رہنما ملک سمندرخان کاسی ایڈووکیٹ نےاپنے جاری بیان میں کہا ہے کہ سابق وزیر اعظم دشمن قوتوں کی ایماء پر ملک میں فتنہ و فساد ، انتشار پھیلانے اور افراتفری پیدا کرکے اپنے سیاسی مخالفین پر الزامات لگانے پر تلے ہیں اور عوام کو ایک دوسرے سے دست و گریباں کر رہے ہیں انہوں نے کہا کہ اسٹیبلشمنٹ کے ذریعے سابق دور میں انہیں حکومت کرنے کے لئے قوم پر مسلط کردیا گیا جنہوں نے اپنے ہر بیان کی خود ہی مخالفت کی ماضی میں اسٹیبلشمنٹ مخالفت پھر حمایت اور اب حکومت جانے کے بعد پھر سے مخالفت کر رہے ہیں سابق وزیر اعظم بیرونی قوتوں کے اشاروں پر حالات خراب کرکے پاکستان کی عالمی سطح پر رسوائی، معاشی اور سیاسی عدم استحکام پیدا کرنے حالات خراب کرنے اور موجودہ حکومت کو ناکام کرنے کے لئے کوشاں ہیں اور بیرونی آقاؤں کو خوش کرنے کے لئے کسی قربانی سے دریغ نہیں کر رہے۔