کوئٹہ(اسٹاف رپورٹر) آئی جی بلوچستان پولیس عبدالخالق شیخ کی زیر صدارت ایف ایم ریڈیو کے حوالے سے اجلاس ہوا۔ جس میں ڈی آئی جی کوئٹہ سید فدا حسین شاہ ، اے آئی جی پولیس جنرل ایاز بلوچ ، ایس ایس پی آپریشنز عبدالحق عمرانی ، ایس ایس پی ٹریفک عرفان بشیر ،ایس پی ٹریفک سٹی نصیر احمد ، ایس پی ٹریفک کوئٹہ رینج جاویداحمد ، پی آر او ٹو آئی جی پی محمود علی کھوکھر اور دیگرافسران نے شرکت کی۔ اجلاس میں ٹریفک پولیس کے ریڈیو چینل سے متعلق امور زیر غور آئے ۔ پیمرا نے حال ہی میں کوئٹہ ٹریفک پولیس کیلئے ایف ایم ریڈیو کا لائسنس جاری کیا۔ ٹریفک پولیس کوئٹہ کے ایف ایم ریڈیو کی فریکوئنسی 88.6 میگا ہرٹز ہے۔ کوئٹہ ریڈیو کی نشریات شاہراؤں پر سفر کرنے والے مسافروں کو موسم، ٹریفک، متبادل راستوں کے ساتھ ساتھ ٹریفک قوانین کے حوالے سے تازہ ترین صورتحال سے آگاہ رکھنے کے لیے بہت اہمیت کی حامل ہوگی۔آئی جی پولیس بلوچستان عبدالخالق شیخ نے ہدایات جاری کیں کہ جلد از جلد ایف ایم ریڈیو کی نشریات شروع کی جائیں۔ انہوں نے مزید کہا کہ ایف ایم ریڈیو کا مقصد عوام کو ٹریفک قوانین، ٹریفک جام، سڑکوں پر رش اور ڈرائیونگ لائسنس کے حصول کے بارے میں آگاہی فراہم کرنا ہے۔ انہوں نے کہا کہ ایف ایم ریڈیو حادثات سے بچاؤ، موسم سے متعلق ایڈوائزری، کیریج ویز پر ٹریفک کی اور ٹریفک قوانین سے آگاہی کے حوالے سے ایک بہترین قدم ہے۔ انہوں نے مزید کہاکہ نہ صرف شاہراہوں کو حادثات سے محفوظ رکھنے میں ایف ایم ریڈیو کا کردار اہم ہے بلکہ عوام میں ٹریفک شعور اجاگر کرنے اور رویوں میں تبدیلی کیلئے اس کی اہمیت سے انکار نہیں کیا جا سکتا۔آئی جی پولیس بلوچستان عبدالخالق شیخ نے کہا کہ ایف ایم ریڈیو کے ذریعے معیاری پروگرام نشر کئے جائیں اور بہت جلد اس کی نشریات کو بلوچستان کے دیگر اضلاع سے منسلک کر دیا جائے گا۔
کوئٹہ پاکستان پیپلز پارٹی کے رکن بلوچستان اسمبلی میر عبید اللہ گورگیج نے 23 مارچ کومادر وطن کےساتھ لازوال...
خضدار یوم پاکستان ملی جوش و جذبے کے ساتھ منایا گیا اس دن کی مناسبت سے ڈپٹی کمشنر آفس کے احاطے میں پرچم کشائی...
گوادر گوادر یونیورسٹی کے زیر اہتمام یوم پاکستان عقیدت و احترام کے ساتھ منایا گیا تقریب میں پاکستان کی آزادی...
کوئٹہ گورنمنٹ گرلز ہائی سکول نواں کلی کوئٹہ کی پرنسپل میڈم گلشن صدیق نے کہا ہےکہ 23مارچ بر صغیر کی تاریخ میں...
کوئٹہ مسلم لیگ ن کے رہنمائوں حاجی عبدالصمدمینگل محمد نبی چودھری عامر ڈاکٹر بلال ترین نعیم دہوار ارسلان قریشی...
کوئٹہ ایپکا کوئٹہ ڈویژن کے صدر امیر محمد کاکڑ مظفر علی اکمل ترین ہدایت اللہ سلام ترین اور نذیر خلجی نے مشترکہ...
کوئٹہ پشتونخوامیپ ضلع کوئٹہ کے بیان میں سرہ غوڑگئی میں ڈیم اور ایئرپورٹ روڈ پر نجی ہاؤسنگ سکیم میں گیس...
تربت اکیڈمک اسٹاف ایسوسی ایشن یونیورسٹی آف تربت نے بلوچستان کی تمام جامعات کی مالی بحران کے خاتمے کے لئے...