منظور نظر ملازمین کو نوازنے کا نوٹس لیا جائے ‘ ایپکا

کوئٹہ(پ ر) ایپکا کوئٹہ ڈویژن کے صدر امیر محمد کاکڑ جنرل سیکرٹری مظفر علی حیات اللہ اکمل ترین اور ہدایت اللہ نے مشترکہ بیان میں کہا ہے کہ مختلف محکموں میں لک آفٹر ‘ ایڈیشنل و ایکٹنگ چارج کی بنیاد پر منظور نظر ملازمین کو نوازا جا رہا ہے جس سے سینئر ملازمین کی حق تلفی ہو رہی ہے جبکہ سینئر ملازمین در در کی ٹھوکریں کھا رہے ہیں انہوں نے کہا کہ اکثر محکموں میں سینئر ملازمین کی جگہ جونیئر کو اہم پوسٹوں پر تعینات کیا گیا ہے جس سے سینئر ملازمین شدید ذہنی کوفت کا شکار ہیں انہوں نے مطالبہ کیا کہ تمام محکموں میں لک آفٹر ‘ ایڈیشنل و ایکٹنگ چارج پر پابندی عائد کی جائے اور سینئر ملازمین کو ان کا حق دیا جائے ورنہ ایپکا احتجاجی تحریک شروع کریگی۔