سیلاب متاثرین کی بحالی کیلئے وسائل بروئے کارلارہے ہیں،اے سی قلات

قلات (خ ن)ڈپٹی کمشنرقلات کیپٹن (ر)مہراللہ بادینی کی ہدایات کی روشنی میں اسسٹنٹ کمشنرقلات جہانزیب بلوچ کی زیرنگرانی تحصیلدارقلات علی احمدکرد اور نائب رسالدارقلات لیویز عبدالکریم مینگل نے لیویزجوانوں کے ہمراہ قلات زاوہ ایریا میں بارشوں سے متاثرہ خاندانوں میں ٹینٹ راشن اور دیگرسامان تقسیم کیا ضلعی انتظامیہ قلات کی جانب سے بارشوں سے متاثرہ علاقوں میں سڑکوں کی بحالی اور امدادی سرگرمیاں جاری ہیں۔انہوں نے کہاکہ مشکل کی اس گھڑی میں متاثرین کے ساتھ ہیں اور تمام دستیاب وسائل بروئے کار لاکر متاثرین کے ہر ممکن امداد کریں گے ضلعی انتظامیہ تمام دستیاب وسائل بروئے کار لاکر سیلاب سے متاثرہ افراد کی بحالی کے لئے اقدامات کر رہی ہے اور ان کے ساتھ شانہ بشانہ کھڑے ہوکر اپنے فرائض منصبی سرانجام دے رہے ہیں ۔