خضدار:ستائیس سال قبل قتل کے واقعہ میں دانستہ ملوث کیا جارہا ہے

خضدار(نامہ نگار)ماراپ سوراب کے رہائشی غوث بخش قوم مردان شہی نائب فدا حسین مردان شہی اور لعل جان شیخ نے پریس کانفرنس سے خطاب کرتے ہوئے کہا ہے کہ ستائیس سال قبل ایک شخص کو نامعلوم افراد نے قتل کردیا تھا مقتول کے بھائی نے مجھے قتل میں ملوث کرکے گرفتار کرکے مقدمہ درج کیا کئی سال بعد عدم ثبوت کی بنا پر مجھے معزز عدالت نے باعزت بری کردیا اس کے باوجود مجھ پر الزام تراشی کا سلسلہ جاری رہا بعد ازاں مجھے سید خان نامی شخص کے روبرو قرآن پاک کی قسم دلائی گئی اس کے باوجود چند روز سے سوشل میڈیاپر ایک سازش کے تحت مجھے جان بوجھ کر پھنسایا جا رہا ہے انہوں نے کہا کہ واقع میں ملوث ہوں اور نہ ہی کسی سازش کا حصہ ہوں انہوں نے مقتول کے بھائی سے اپیل کی کہ وہ کسی سازش اور بہکاوے میں نہ آئیں اگر مجھ سے مزید اپنی بے گناہی کے ثبوت درکار ہیں تواس کے لئے تیار ہوں۔