ژوب ڈویژن کے مسائل حل کرنے کیلئے اقدامات یقینی بنارہے ہیں‘ کمشنر

ژوب (نامہ نگار ) کمشنر ژوب ڈویژن سعید احمد عمرانی نے کہا ہے کہ ڈویژن کو درپیش مسائل کے حل کے لئے اقدامات کو یقینی بنارہے ہیں میڈیا کامسائل اجاگر کرنے میں اہم کردار ہے میڈیا کی مثبت تنقید کا خیر مقدم کرینگے ان خیالات کاا ظہار انہوں نے ژوب پریس کلب کے وفد سے بات چیت کرتے ہوئے کیا انہوں نے کہا کہ نئے ڈویژن کی فعالی کو چیلنج سمجھ کر فرائض کی ادائیگی شروع کر دی ہے ژوب ڈویژن کے اضلاع میں سرکاری محکموں بالخصوص تعلیمی اداروں اور مراکز صحت کی بہتری و فعالی کے لئے ہر ممکن اقدامات کو یقینی بنائینگے انہوں نے کہا کہ ڈویژنل دفاتر کا قیام اولین ترجیحات میں شامل ہے جس کے لئے تمام دستیاب وسائل کو بروئے کار لا رہے ہیں انہوں نے کہا کہ صحت اور تعلیم کے شعبوں پر کسی قسم کا سمجھوتہ قبول نہیں متعلقہ حکام کو سخت ہدایات جاری کر دی ہیں انہوں نے کہا کہ میڈیا کی ضرورت واہمیت سے انکار ممکن نہیں صحافیوں کو ہر فورم پر بھرپور سپورٹ کرینگے علاقے کی تعمیر و ترقی میں میڈیا کا اہم کردار رہا ہے میڈیا کی مثبت تنقید اور تجاویز کا خیر مقدم کرینگے۔