لورالائی:ڈی سی کی زیر صدارت اجلاس،محرم الحرام کی مجالس کے انتظامات کاجائزہ

لورالائی( نامہ نگار) ڈپٹی کمشنر لورالائی ڈاکٹر عتیق الرحمٰن شاہوانی کی صدارت میں محرم الحرام کی مجالس کے انتظامات کا جائزہ لینے کے حوالے سے اجلاس ہوااجلاس میں ایف سی کے کیپٹن ہمایوں، ایڈیشنل ڈپٹی کمشنر جنرل قاسم کاکڑ، ایس ایس پی نصر اللہ خان حمزہ زئی، ڈی ایس پی عثمان غنی مندوخیل، تحصیلدار بوری ثناءاللہ لونی ،ڈپٹی ایم ایس ڈاکٹر انجم الدین ،چیف آفیسر علی محمد زہری سمیت سول و انتظامی افسران نے شرکت کی ڈپٹی کمشنر ڈاکٹر عتیق الرحمٰن شاہوانی نے خطاب کرتے ہوئے کہا کہ تمام ادارے اورمحکمے اپنی ذمہ داریاں بہتر انداز میں نبھائیں محرم الحرم کے دوران امام بارگاہ کی گزرگاہوں اورشہر میں لگائے گئے تمام سی سی ٹی وی کیمروں کو فعال کیاجائےگا ڈی سی آفس اور ایس ایس پی آفس میں کنٹرول روم سے تمام معاملات پر نظر رکھی جائے گی انہوں نے ہدایت کی کہ شہر اور امام بارگاہ کے تمام راستوں پر صفائی ستھرائی کا عمل بہتر بنایا جائے ان دنوں میں بجلی کی لوڈشیڈنگ سے اجتناب کیاجائے میونسپل کمیٹی پانی کی ترسیل کو ممکن بنائے امام بارگاہ کے راستوں کی نگرانی کیلئے ایف سی، پولیس، لیویز اور دیگر قانون نافذ کرنے والے اداروں کی مدد لی جائے گی اسپتالوں میں ایمرجنسی نافذ کرنے کے علاوہ ایمبولینسز ادویات اور ڈاکٹروں کی موجودگی کو یقینی بنایا جائے۔