نصیب میں ہوا تو پاکستان ٹیم کیلئے دوبارہ کھیلوں گا،اسد شفیق

کراچی (نمائندہ جنگ) ٹیسٹ بیٹسمین اسد شفیق نے کہا ہے کہ نصیب میں ہوا تو پاکستان کے لیے دوبارہ کھیلوں گا۔پاکستان ٹیم میں کم بیک زندگی اور موت کا مسئلہ نہیں بنایا۔ تینوں فارمیٹس میں تیسرے نمبر پر ہی بیٹنگ کرنا مجھے پسند ہے۔ جمعرات کو میڈیا سے بات چیت میں انہوں نے کہا کہ آسٹریلیا کے خلاف برسبین ٹیسٹ کی اننگز یادگار ہے لیکن افسوس بھی سب سے زیادہ ہواوہ ٹیسٹ جیت جاتا تو بہت فخر کی بات ہوتی ۔ انہوں نے کہا کہ سرفراز احمد اور اظہرعلی کے ساتھ بہت اچھا وقت گزرا ہے، مصباح الحق کو لوگ دفاعی انداز رکھنے پر تنقید کانشانہ بناتےہیں لیکن ہر کپتان کا پلان الگ ہوتاہے،بطور کپتان شاہد آفریدی کو کبھی پریشر میں نہیں دیکھا، وہ ٹھنڈے مزاج میں کپتانی کرتےتھے۔