فلم ’دی گرے مین ‘کا سیکوئیل بنانے کا اعلان

لاس اینجلس(مانیٹرنگ ڈیسک) بین الاقوامی اسٹریمنگ پلیٹ فارم نیٹ فلکس نے فلم ’دی گرے مین ‘کا سیکوئیل بنانے کا اعلان کر دیا۔ مصنف مارک گرینے کے ناول کی کہانی پر مبنی فلم ’دی گرے مین‘ رواں ماہ 22 جولائی کو ریلیز کی گئی تھی جو کہ شائقین کے دل جیتنے میں کامیاب رہی تاہم ریلیز کے کچھ دن بعد ہی اس کا سیکوئل بنانے کا اعلان کردیا گیا ہے۔فلم میں کینیڈین اداکار ریان گوسلنگ نے سی آئی اے ایجنٹ کا کردار ادا کیا ہے جبکہ بولی وڈ اداکار دھنوش نے بھی فلم میں اداکاری کے جوہر دکھائے ہیں، فلم کے سیکوئل میں بھی ریان گوسلنگ کو کاسٹ کرنے کا فیصلہ کیا گیا ہے۔یاد رہے کہ فلم’ دی گرے مین‘ کی ہدایات کامک فلموں’ایوینجرز‘ کے ہدایتکاروں نے دی ہے تاہم فلم کب ریلیز ہوگی اس حوالے سے کوئی معلومات فراہم نہیں کی گئیں۔