پنجاب میں یکم سے 10محرم تک دفعہ 144 نافذ ،نویں،دسویں کو ڈبل سواری پر پابندی

لاہور(نمائندہ جنگ) محکمہ داخلہ پنجاب نے یکم سے 10 محرم الحرام تک صوبے میں دفعہ 144 نافذ کر دی ہے۔ نوٹیفکیشن کے مطابق یکم سے 10 محرم تک پنجاب میں نکلنے والے جلوسوں اور منعقد ہونے والی مجالس میں کوئی تبدیلی نہیں ہوگی۔بنکوں کے گارڈز کے علاوہ کسی فرد کو بھی عوامی جگہوں کسی قسم کے ہتھیار یا اسلحہ لانے یا یا ساتھ لے کر چلنے کی اجازت نہیں ہوگی۔ فرقہ وارانہ منافرت پھیلانےاور نعرے بازی پر پابندی ہوگی۔ جلوسوں کے علاقوں می چھتوں پر کسی قسم کی تعمیرات پتھر ، اینٹیں اورشیشے کی بوتلیں اکٹھی کرنے کی اجازت نہیں ہوگی 9اور 10محرم الحرام کو ڈبل سواری پر پابندی ہوگی