مل کر پاکستان کو مستحکم کرنا، سازش ناکام بنانا ہے، ڈاکٹر خالد مقبول، چوہدری شجاعت سے ملاقات

کراچی (نمائندہ جنگ) متحدہ قومی موومنٹ(ایم کیو ایم) پاکستان کے کنوینر ڈاکٹر خالد مقبول صدیقی نے کہا ہے کہ معیشت مضبوط ہوگی تو پاکستان مزید مضبوط ہوگا،ہمیں مل جل کر پاکستان کو کرنااور اس کے خلاف سازش ناکام بنانا ہے۔ وہ جمعرات کو مسلم لیگ (ق) کے سربراہ چوہدری شجاعت حسین سے ان کی رہائش پرملاقات کررہے تھے، جس میں ایم کیو ایم کی رکن قومی اسمبلی کشور زہرہ، وفاقی وزراء طارق بشیر چیمہ،چوہدری سالک حسین، اور صباحت الہی بھی موجود تھے۔ملاقات میں ملک کی موجودہ سیاسی صورت حال پر غور کیا گیا۔ دونوں راہنماؤں میں ملک کو درپیش معاشی، اقتصادی اور سیاسی مسائل پر بھی گفتگو ہوئی۔