بارش اورسیلاب متاثرین کو مشکل وقت میںتنہا نہیں چھوڑینگے‘ سردارصالح بھوتانی

کوئٹہ( این این آئی)بی اے پی کے صوبائی صدر سینئر وزیر بلدیات سردار محمد صالح بھوتانی نے کہا ہے کہ حکومت بارشوں اور سیلاب سے ہونے والے تباہ کاریوں سےمتاثرہونے والے افراد کی بحالی کیلئے تمام وسائل بروئے کار لائے گی مسلسل بارشوں کے باعث نقصانات میں اضافہ ہورہاہے ہماری توجہ جلد ریلیف کی فراہمی ہے انہوںنے بیان میں کہاکہ مشکل وقت میں عوام کو تنہا نہیں چھوڑینگے نقصانات کا تخمینہ لگاکر اس کاازالہ کیاجائے گا حکومت نے تمام محکموں کوا لرٹ کررکھاہے تمام اضلاع کی انتظامیہ ایف سی لیویز سیلاب زدگان اور متاثرین کی مدد کر رہی ہے بلدیاتی ادارے تمام مشینری اور انسانی وسائل کے ساتھ ہر ضلع میں متحرک ہے ہیں اس حوالے سے کسی کی غفلت برداشت نہیں کی جائیگی۔