حکومت جب تک الیکشن پر آمادہ نہ ہو بات نہیں کرسکتے،فواد چوہدری

کراچی(ٹی وی رپورٹ)رہنما پی ٹی آئی فواد چوہدری نے ایک انٹرویو میں کہا ہے کہ حکومت جب تک الیکشن پر آمادہ نہ ہو بات نہیں کرسکتے، ملک میں عدم استحکام دو لوگوں کی وجہ سے پیدا ہوا پہلے مفتاح اسماعیل، دوسرے رانا ثنا اللہ شامل ہیں، حکومت سے احتساب کے اوپر بات نہیں کرنی باقی تو بات کرنے میں کوئی مسئلہ ن ہیں ہے، عمران خان جونہی فیصلہ کرینگے حکومت کو گھر بھیج دینگے، ہم اعتماد کا ووٹ لینے کا کہیں گے،ان کا کہنا تھا کہ مسئلہ یہ ہے کہ اصولی طور پر آرٹیکل69 کو عزت دی جانی چاہئے اور سپریم کورٹ کو اسمبلیوں کی کارروائیوں میں دخل نہیں دینا چاہئے اسپیکر کی رولنگ کواحترام حاصل ہونا چاہئے۔ انہوں نے فیصلہ کیا کہ ہم نے جو پہلے بیان دیاشکست قبول کرنے والا یہ تو غلط ہوگیا ہے ہم نے تو ہر صورت ہار کو جیت بنانا ہے لہٰذا انہوں نے ڈپٹی اسپیکر کو مینج کیا۔میری صبح دوست مزاری سے بات ہوئی تو انہوں نے کہا کہ کوئی ایسی بات نہیں بالکل رولز کے مطابق چلیں گے اسمبلی میں آکر آپ نے خط نکال لیا اور اسے پڑھ دیا۔اس وقت انتخابات نہ ہونے میں بھی جو زیادہ مسئلہ ہے وہ یہی ہے کہ کئی حلقوں کا یہ لگتا ہے کہ پی ٹی آئی زیادہ سیٹیں نہ جیت جائے172 توہیں ہی دو تہائی کی طرف نہ چلی جائے یہ جو دو تہائی اکثریت کا خوف ہے وہ الیکشن روکے ہوئے ہے۔حکومت سے احتساب کے اوپر بات نہیں کرنی باقی تو بات کرنے میں کوئی مسئلہ نہیں ہے۔ حکومت سے ہم بات نہیں کرسکتے جب تک کہ وہ الیکشن پر آمادگی ظاہر نہ کرے۔ ہمارے پاس دو آپشنز ہیں یا یہ کہ ہم بات چیت کے بغیر الیکشن فورس کروالیں شہباز شریف نے172 لوگ پورے کرنے ہیں اس وقت ان کے پاس168 کے قریب لوگ ہیں۔ ہم کیوں چاہتے ہیں کہ الیکشن فریم ورک سے ہوں کیوں اس میں پاکستان کا فائدہ ہے اس سے استحکام آتا ہے۔آصف زرداری نے حمزہ شہباز پر پنجاب میں بہت زور لگایا۔ آصف زرداری خود سندھ اسمبلی نہیں توڑ رہے، پنجاب میں زور لگایا۔ن لیگ کو اس وقت سمجھ نہیں آرہی کہ کرنا کیا ہے ان کے فیصلے کبھی آصف زرداری اورکبھی فضل الرحمن کررہے ہیں۔ آصف زرداری کو اس وقت اکٹھے دو پارٹیوں پیپلز پارٹی اور ن لیگ کا بیڑا غرق کرنے پر ایوارڈ دینا چاہئے۔ اب فضل الرحمن شرو ع ہوگئے ہیں ٹی وی نہ ہو تو فضل الرحمن کو کوئی جانتا بھی نہیں ہے۔ پنجاب میں مولانا فضل الرحمن کا ووٹ بینک ہی نہیں ہے۔ مولانا ن لیگ کو کہہ رہے ہیں راولپنڈی سے لاہور لانگ مارچ کریں۔ ڈالر کہاں پہنچ گیا ہے اور یہ لانگ مارچ کی بات کررہے ہیں۔