وزیرنجکاری کی زیرصدارت جناح کنونشن سنٹر نجکاری کیلئے جائزہ اجلاس

اسلام آباد (خصوصی نمائندہ) جناح کنونشن سنٹر کی نجکاری کے حوالے سے وزیرنجکاری عابد حسین بھائیوکی زیرصدارت اجلاس ہوا جس میں چیئرمین سی ڈی اے عامر علی احمد نے خصوصی شرکت کی،،اجلاس میں کنونشن سنٹر کو منافع بخش اور انتظامی حوالے سے بہتر بنانے کیلئے نیا سٹرکچر پلان تیار کرنے پر اتفاق کیا گیا،سیکرٹری نجکاری ڈاکٹر ارم اے خان ،ڈائریکٹر جنرل سمیت دیگر افسران بھی شریک ہوئے،اجلاس میں جناح کنونشن سنٹر کی نجکاری کے مختلف پہلوؤں کا جائزہ لیا گیااور کنونشن سنٹر کو منافع بخش اور انتظامی حوالے سے بہتر بنانے کیلئے نیا سٹرکچر پلان تیار کرنے پر اتفاق کیا گیا ، وزیر نجکاری نے کہا کہ کنونشن سنٹر کی نجکاری کا مقصد زیادہ ریونیو کیساتھ ساتھ انتظامی امور بہتر بنانا ہے اس موقع پرچیئرمین سی ڈی اے کی طرف سے نجکاری کمیشن کو مکمل تعاون کی یقین دہانی کرائی گئی، وزیر نجکاری نے کہا کہ منصوبے میں شفافیت کیساتھ ساتھ سرمایہ کاروں کیلئے وسیع مواقع سامنے رکھیں گے۔