وزیراعلیٰ بزنجو سیلابی صورتحال کی نگرانی کررہے ہیں‘ حکومتی ترجمان

کوئٹہ (خ ن)حکومت بلوچستان کی ترجمان فرح عظیم شاہ نے کہاہے کہ وزیراعلیٰ میر عبدالقدوس بزنجو نے صوبے میں موجودہ سیلابی صورتحال کے پیش نظر اپنا سرکاری دورہ برطانیہ منسوخ کردیا ہے اس حوالے سے انہوں نے تمام وزراء ، ایم پی ایز اور انتظامیہ کو ہدایت کی ہے کہ وہ اپنے اپنے علاقے میں موجود رہے کر ریسکیو اور ریلیف آپریشن کی نگرانی کرکے لوگوں کی مددیقینی بنائیں انہوں نے کہا کہ وزیراعلیٰ کی قیادت میں صوبائی حکومت سیلابی صورتحال سے نمٹنے کے لیے پرعزم اور ہرممکن اقدامات کررہی ہے حکومتی مشینری کی تمام توجہ عوام کوریلیف پہنچانے پر ہے پی ڈی ایم اے ،محکمہ صحت سمیت تمام ادارے ایک پیج پر ہیںتمام اہلکاروں کی چھٹیاں منسوخ کردی گئی وزیراعلیٰ‘ وزراء اوراعلیٰ عہدیدار سیلابی صورتحال کی مسلسل نگرانی کر رہے ہیں۔