آصف زرداری سمیت دیگر کیخلاف جعلی اکاؤنٹس کیس کی سماعت7 ستمبر تک ملتوی

اسلام آباد (این این آئی) سابق صدر آصف علی ذرداری سمیت دیگر کے خلاف جعلی اکاؤنٹس کیس کی سماعت7 ستمبر تک ملتوی کر دی گئی ۔کیس کی سماعت احتساب عدالت کے جج اعظم خان نے کی۔ نیب پراسیکیوٹر عثمان مسعود وکیل صفائی فاروق ایچ نائیک کے معاون رافع ایڈووکیٹ عدالت کے روبرو پیش ہوئے ۔ وکیل صفائی نے کہاکہ نیب ترمیمی ایکٹ2022 کو سپریم کورٹ میں چیلنج کیاگیاہے جو سماعت کیلئے مقرر کردیا گیا ہے۔ وکیل صفائی نے استدعا کی کہ سپریم کورٹ سے فیصلہ آنے تک سماعت ملتوی کی جائے۔عدالت نے استدعا منظور کرتے ہوئے سماعت 7 ستمبر تک ملتوی کر دی ۔آصف علی ذرداری اور فریال تالپور سمیت دیگر کے خلاف میگا منی لانڈرنگ ریفرنس کی سماعت بھی7 ستمبر تک ملتوی کر دی گئی ۔ملزمان کی جانب سے حاضری سے استثنیٰ کی درخواست منظور کر لی گئیں۔