محرم میں مجالس عزا اور جلوسوں کیلئے صفائی ستھرائی کے انتظامات کی ہدایت

کراچی (اسٹاف رپورٹر)وزیر بلدیات سندھ سید ناصر حسین شاہ نے وزیرِ اعلیٰ سندھ کے مشیر برائے زکواۃ و مذہبی امور سندھ فیاض بٹ اور وزیر اعلیٰ سندھ کے معاون خصوصی وقار مہدی کے ہمراہ نشتر پارک کا دورہ کیا ، اس موقع پر پاک محرم ایسوسی ایشن کے عہدیدار، علاقے کے عمائدین ،ایڈمنسٹریٹر بلدیہ شرقی کراچی رحمت اللہ شیخ اور دیگر موجود تھے ناصر حسین شاہ نے کہا کہ محرم الحرام میں مجالسِ عزا اور جلوسوں کے لئے صفائی ستھرائی کے انتظامات کئے جائیں ،نشتر پارک اور ملحقہ علاقوں اور سڑکوں پر ٹریفک پولیس کی خصوصی نفری بلدیاتی عملے کو مجالس اور جلوس کے راستوں پر متعین کیا جائے، علاوہ ازیں محکمۂ بلدیات میں سندھ سالڈ ویسٹ مینجمنٹ بورڈ کی گورننگ باڈی کا اجلاس میں وزیر بلدیات کہا ہے کہ سندھ سالڈ ویسٹ مینجمنٹ بورڈ کچرے کو بروقت اٹھانے اور لینڈ فل سائٹس تک پہنچانے کے کام کو مزید بہتر بنائے اجلاس میں سیکریٹری بلدیات سندھ نجم شاہ ، منیجنگ ڈائریکٹر سندھ سالڈ ویسٹ مینجمنٹ بورڈ زبیر چنہ اور بورڈ کے دیگر افسران موجود تھے، کمشنر کراچی نے بذریعہ وڈیو لنک شرکت کی۔