بارشوں کے چوتھے اسپیل کیلئے تیاری مکمل ہے، ایڈمنسٹریٹر کراچی

کراچی (اسٹاف رپورٹر ) ایڈمنسٹریٹر کراچی، مشیر قانون اور ترجمان حکومت سندھ بیرسٹر مرتضیٰ وہاب نے کہا ہے کہ بارشوں کے چوتھے اسپیل کے لئے تیاری مکمل ہے، روزمرہ کی بنیاد پر نالوں میں کچرے کی صفائی جاری ہے، ٹاور پر برساتی پانی کی براہ راست سمندر میں نکاسی کے لئے علیحدہ سے راستہ بنایا گیا ہے، یہ بات انہوں نے جمعرات کے روز برسات سے پیدا ہونے والی صورتحال اور انتظامات کا جائزہ لینے کے لئے ٹاور، کھارادر، میٹھادر اور اولڈ سٹی ایریا سمیت شہر کے دیگر علاقوں کے دورے کے موقع پر کہی، میونسپل کمشنر سید افضل زیدی، سینئر ڈائریکٹر میونسپل سروسز مظہر خان اور دیگر افسران بھی ان کے ہمراہ تھے، ایڈمنسٹریٹر نے کہا کہ تمام بڑی سڑکوں سے برساتی پانی صاف کردیا گیا ہے ،مزید تیز بارشوں کی صورت میں برساتی پانی کے فوری اخراج کے لئے خصوصی انتظامات کئے جا رہے ہیں ، قبل ازیں انہوں نے برساتی نالوں کی صورتحال کا جائزہ لینے کے لئے منعقد کئے گئے اجلاس کی صدارت کرتے ہوئے ہدایت کہا کہ محکمہ موسمیات کی پیش گوئی کے مطابق تمام افسران و دیگر عملہ الرٹ رہے۔