تحریک انصاف کے 11 اراکین قومی اسمبلی کے استعفے منظور

اسلام آباد(ٹی وی رپورٹ،جنگ نیوز) 11 اپریل 2022کو قومی اسمبلی سے استعفے دینے والے پی ٹی آئی ارکان قومی اسمبلی کے استعفوں کی منظوری کا عمل شروع ہوگیا اسپیکر قومی اسمبلی راجہ پرویز اشرف نے پی ٹی آئی کے 11 ارکان کے استعفے منظور کرلئے۔خیبرپختونخوا سے 4، پنجاب سے 2، سندھ سے 3 مستعفی ارکان کے استعفے منظور کئے گئے، علی محمد خان، فرخ حبیب، اعجاز احمدشاہ ،شیریں مزاری شامل ہیں، فضل محمد خان،جمیل احمد خان، شاندانہ گلزار،اکرم چیمہ، عبدالشکور شاد ،شوکت علی، فخر زمان کا استعفیٰ بھی منظور،ارکان نے 11اپریل کو استعفے دیئے تھے، پی ٹی آئی ارکان کے استعفوں کی منظوری کا نوٹیفکیشن جاری کر دیا گیا ۔خیبرپختونخوا سے قومی اسمبلی کے 4، پنجاب سے 2، صوبہ سندھ سے 3 مستعفی ارکان کے استعفے منظور کئے گئے این اے 22، مردان تھری سے پی ٹی آئی کے ایم این اے علی محمد خان، این اے 24چارسدہ ٹو سے فضل محمد خان، این اے 31پشاور 5سے شوکت علی، این اے 45کرم ایک سے فخر زمان خان کا استعفیٰ منظور پنجاب سے قومی اسمبلی کے حلقہ این اے 208فیصل آباد 8سے فرخ حبیب، این اے118ننکانہ صاحب ٹو سے اعجاز احمدشاہ، این اے 237ملیر ٹو سے جمیل احمد خان کے استعفے بھی منظور کرلئے گئے۔صوبہ سندھ سے این اے 237ملیر ٹو سے جمیل احمد خان، این اے 239کورنگی کراچی ایک سے محمد اکرم چیمہ، این اے 246 کراچی ساؤتھ ایک سے عبدالشکور شاد کے استعفے بھی منظور کرلئے۔