جےایس ایم یو، MSPH ریسرچرکا تحقیقی مقالے کا کامیابی سے دفاع

کراچی(اسٹاف رپورٹر)جناح سندھ میڈیکل یونیورسٹی کی ایم ایس پی ایچ ریسرچر مہرین قادری نے اپنے تحقیقی مقالے کا کامیابی سے دفاع کرلیا،مقالہ پروفیسر لبنیٰ انصاری بیگ کی زیر نگرانی مکمل کیا گیا، وائس چانسلر پروفیسر امجد سراج میمن نے مہرین قادری کو مبارکباد دی۔ جامعہ کے وی سی بورڈ روم میں اپنا انسٹیٹیوٹ برائے پبلک ہیلتھ کے پروگرام ماسٹر آف سائنس ان پبلک ہیلتھ(ایم ایس پی ایچ) کی ریسرچرمہرین قادری نے اپنے تحقیقی مقالے کا کامیابی سے دفاع کیا، مہرین قادری نے اے آئی پی ایچ کی چیئرپرسن پروفیسر لبنیٰ انصاری بیگ کی نگرانی میں اپنا تحقیقی کام مکمل کیا، ان کا موضوع، ’’کراچی میں 5 سال سے کم عمر بچوں میں شدید غذائی قلت کی تشخیص کے لیے ڈبلیو ایچ او کے ایم یو اے سی میں کٹوتی کی توثیق،‘‘ ( Validation of MUAC Cut-Offs of WHO for Diagnosis of Acute Malnutrition among Children under 5 Years in Karachi, Pakistan) تھا۔ڈائو یونیورسٹی آف ہیلتھ سائنسز کراچی کے ڈپارٹمنٹ برائے کمیونٹی میڈیسن کی اسسٹنٹ پروفیسر ڈاکٹر ثناء تنزیل اورفاطمہ جناح کالج آف میڈیسن اینڈ ڈینٹسٹری کےڈپارٹمنٹ برائے کمیونٹی میڈیسن کی پروفیسر ڈاکٹر ارم منظورنے بیرونی جبکہ نیشنل انسٹیٹیوٹ آف چائلڈہیلتھ کےاسسٹنٹ پروفیسر ڈاکٹر اریت پرکاش نے اندرونی ممتحن کا کردار اداکیا۔