بلال کاکا جھگڑا‘ ، فرائض سے غفلت پر6اہلکار ملازمت سے برطرف

حیدرآباد ( بیورو رپورٹ) ایس ایس پی حیدرآباد امجد شیخ نے بھٹائی نگر تھانے کی حدود میں ہوٹل پر کھانے کے بل کے تنازع پر جھگڑے کے دوران پولیس اہلکاروں کی موجودگی کے باوجود کاروائی نہ کرنے اور فرائض سے غفلت پر نسیم نگر اور بھٹائی نگر تھانے کے 6اہلکاروں کو انکوائری کے بعد مجرمانہ غفلت ثابت ہونے پر ملازمت سے برطرف کردیا ‘ برطرف کئے جانے والوں میں کانسٹیبل امتیاز علی پولیس پوسٹ نسیم نگر کے علاوہ بھٹائی نگر تھانے کے 5 اہلکار اشوک کمار ‘ محمودعلی‘ عمران شاہ‘ مشتاق احمد اور اسرار احمد شامل ہیں۔ واضح رہے کہ 12 جولائی 2022ءکی شب بھٹائی نگر تھانے کی حدود میں سپرسلاطین ہوٹل میں کھانے کے بل کے تنازعہ پرہوٹل مالک اور ملازمین سے بلال کا کا اوراس کے دوستوں کاجھگڑا ہوا تھاجس کے دوران تشدد سے بلال کاکا جاں بحق اور اس کے5/ 4دوست زخمی ہوئے تھے ۔