وٹفورڈ (نمائندہ جنگ) جموں کشمیر لبریشن فرنٹ کے رہنماؤں چوہدری محمد سعید ،چوہدری محمد رفیق ، چوہدری محمد صدیق ،جاوید شاہ ، راجہ محمد عارف ، کشمیر نیشنل پارٹی یو کے صدر راجہ ظہور اقبال، تحریک انصاف وٹفورڈ برانچ کے سابق صدر چوہدری محمد شاہپال، عوامی مسلم لیگ کے چیف آرگنائزر حاجی محمد منیر، تحریک کشمیر کے ڈپٹی جنرل سیکرٹری لقمان زاہد، انجینئر عثمان علی خان ،ایوب مسلم ، ریاست بھٹی نے بھارتی وزارت خارجہ کے ترجمان ارندم باگچی کے بیان کی سخت الفاظ میں مذمت کرتے ہوئے کہا ہے کہ پاکستان اور چین کے درمیان سی پیک پراجیکٹ کی تعمیر پر بھارتی حکومت کا اعتراض حقائق کے منافی ہے ۔ ان رہنماؤں نے کہا کہ چین نے اقوام متحدہ اور یو این سیکورٹی کونسل کی اجازت سے گلگت بلتستان سے لے کر گوادر تک یہ پراجیکٹ شروع کیا ہے۔ یہ علاقے ریاست جموں وکشمیر کاحصہ ہیں ۔ گلگت بلتستان پر بھارت کا حق ملکیت کا دعویٰ اقوام متحدہ کی قراردادوں کے منافی ہے ۔ ان رہنماؤں نے کہا کہ بھارتی رہنما عالمی برادری کو گمراہ کر رہے ہیں۔ انہوں نے حکومت پاکستان سے مطالبہ کیا کہ وہ شنگھائی تعاون تنظیم میں بھارت کی رکنیت ختم کرنے کی قرار داد پیش کرے۔سی پیک پراجیکٹ کی کی مخالفت شنگھائی تعاون تنظیم کے بنیادی اصولوں کی خلاف ورزی ہے، بھارت عالمی سطح پر پاکستان کے خلاف بلاجواز پروپیگنڈہ کر رھا ہے۔ بھارت نے مقبوضہ کشمیر میں ریاستی دہشت گردی کی انتہا کر رکھی ہے، اس کے ساتھ مقبوضہ کشمیر میں عوام کو گھروں پر بھارتی ترنگا لہرانے کے لیے دباؤ ڈالا جارہا ہے ۔بھارت اس طرح کے ہتھکنڈوں سے کشمیر پر اپنے غاصبانہ قبضے کو دوام بخشنے کے لئے حرکتیں کر رہا ہے، ان رہنماؤں نے آزاد کشمیر گورنمنٹ سے مطالبہ کیا کہ وہ مقبوضہ کشمیر کے عوام کو اقوام متحدہ اور آزاد کشمیر کے جھنڈے فراہم کرے تاکہ عوام اپنے گھروں پر جھنڈے لہرا کر عالمی برادری کو بتا سکیں کہ کشمیر پر بھارت کا غاصبانہ قبضہ ہے اور کشمیر بھارت کا اٹوٹ انگ نہیں ہے ۔ پاکستان کی کمزور خارجہ پالیسی کی وجہ سے بھارت آزاد کشمیر اور شمالی علاقہ جات پر منفی بیانات دے رہا ہے ۔ پاکستان گورنمنٹ اس صورتحال کا فوری نوٹس لے ۔
لندن سوین کرکٹ لیگ نے ایسٹ لندن کے مقامی ریسٹورنٹ میں افطار ڈنر کا اہتمام کیا۔تلاوت کلام پاک اور دعا کی سعادت...
برمنگھم ہر نبی نے اپنی قوم کو توحید کی طرف بلایااسکے بعد اس دیگربرائیوں سے روکنےکی کوشش کی یہ بات مولانا...
لندن/ لوٹن لوٹن بارو کونسل نے ’’فریڈم آف دی بارو ایوارڈ‘‘ کا ایک تقریب میں اعلان کیا۔ تقریب لوٹن ٹائون ہال...
لوٹن لوٹن میں یوکے اسلامک مشن اور لوٹن فٹبال کلب کے اشتراک سے ’’یونٹی افطار ڈنر ‘‘کا اہتمام کیا گیا جس میں...
اوسلو رانا محمد صدیق افضل اور گوہر انور اقبال کی طرف سےاسلامک سینٹر ستونر مسجد میں افطار ڈنر کا اہتمام کیا...
لیڈز ام المومنین حضرت سیدہ عائشہ صدیقہ رضی اللہ تعالی عنہا کا یوم وصال 17رمضان المبارک کو انتہائی عقیدت و...
لندن برطانیہ کی صحافتی تنظیم پاکستان پریس کلب یوکے و یورپ کے صدر شوکت ڈار کے اعزاز میں الائنس ایڈور ٹائزنگ...
لندن برطانیہ میں پاکستان کے تمام مشنز مشین ریڈ ایبل پاسپورٹ کی پروسیسنگ کیلئے اپوائنٹمنٹ لیے بغیر حج...