سعودی ولی عہد شہزادہ محمد بن سلمان کا دورہ یونان

ایتھنز (مرزارفاقت حسین) یونانی وزیر اعظم کیریاکوس میچوتاکیس نے سعودی ولی عہد شہزادہ محمد بن سلمان سے ملاقات کی، سعودی ولی عہد یونان کے دو روزہ دورے پر ایتھنز پہنچے تھے ۔ وزیر اعظم میچوتاکیس نے کہا کہ یہ دورہ "ہمارے اسٹریٹجک تعلقات کی مضبوطی کی تصدیق کرنے کا ایک موقع ہے۔شہزادہ محمد بن سلمان نے کہا کہ وہ توانائی اور ٹیلی کمیونی کیشن سمیت دیگر شعبوں میں دو طرفہ معاہدوں پر دستخط کے منتظر ہیں۔ ان کا کہنا تھا ،ہم ہائیڈروجن میں بھی دلچسپی رکھتے ہیں اور یونان کو ہائیڈروجن کے لحاظ سے یورپ کے لیے مرکز میں کیسے تبدیل کیا جائے یہ دونوں ممالک کے لیے گیم چینجر ہے۔ ہم ٹیلی کمیونی کیشن نیٹ ورک کے باہمی ربط پر بھی کام کر رہے ہیں، یونانی سفارتی ذرائع نے بتایاہے کہ توانائی، فوجی تعاون اور زیر سمندر ڈیٹا کیبل کے دو طرفہ معاہدوں پر دستخط کیے جائیں گے۔