کامن ویلتھ گیمز،تین پاکستانی کھلاڑی کورونا میں مبتلا

29 جولائی ، 2022

برمنگھم (نیوز ڈیسک) برمنگھم پہنچنے والے کامن ویلتھ گیمز دستے میں شامل تین پاکستانی کھلاڑیوں کا کورونا ٹیسٹ مثبت آگیا ہے،کھلاڑیوں میں ہاکی کے دو کھلاڑی رانا وحید اور گول کیپر عبداللہ اشتیاق اور ایک سوئمر شامل ہیں۔ گیمز ولیج پہنچنے پر کورونا ٹیسٹ کئے گئےتھے ،مثبت ٹیسٹ آنے والے کھلاڑیوں کو آئسولیٹ کردیا گیا ہے۔ گیمز کیلئے بنائے گئے چاروں ولیجز میں کورونا ایس او پیزپرمکمل عمل درآمد کرایا جارہا ہے۔ پاکستان اولمپک ایسوسی ایشن کے سیکرٹری جنرل محمد خالدمحمود نے کامن ویلتھ گیمز کیلئے برمنگھم میں بنائے گئے چاروں ولیجزکادورہ کیا اور مختلف ٹیموں کے کھلاڑیوں اور آفیشلزسے ملاقات کی،اس موقع پر قومی دستے کے شیف ڈی مشن محمد عابد قادری گیلانی اور ڈپٹی سی ڈی ایم میجر (ر) ماجدوسیم نے کھلاڑیوں کی رہائش سمیت دیگر انتظامات کے حوالے سے سیکرٹری جنرل پی او اے کو بریفنگ دی۔