اسلام آباد(جنگ رپورٹر،ٹی وی رپورٹ)چیف جسٹس آف پاکستان جسٹس عمر عطا بندیال کی زیر صدارت جوڈیشل کمیشن کا اجلاس ختم ہوگیا‘ اجلاس میں چیف جسٹس کے نامزد ججز کے نام کثرت رائے سے مسترد کردیئے گئے‘کسی جج کی تعیناتی نہ ہوسکی ۔جوڈیشل کمیشن کے اعلامیہ کے مطابق کمیشن کے اجلاس کی نئی تاریخ سے ممبران کو بعد میں آگاہ کیا جائے گا۔ذرائع کے مطابق سپریم کورٹ کیلئے چیف جسٹس کی جانب سے نامزد کیے گئے 5 ججز پر جوڈیشل کمیشن کے ارکان میں اختلاف رائے سامنے آیا جس کے بعد جوڈیشل کمیشن کے ممبران میں ووٹنگ کرائی گئی۔ ذرائع کے مطابق چیف جسٹس کے نامزد ججوں کے خلاف 5 ووٹ آئے، پانچ ووٹ مخالفت میں آنے پر اجلاس کچھ کہے بغیر ختم کردیا گیا۔ذرائع کے مطابق جسٹس قاضی فائز عیسیٰ‘ جسٹس طارق مسعود‘اٹارنی جنرل اشتر اوصاف ‘ وزیرقانون اعظم نذیر تارڑ اور نمائندہ بارکونسل اختر حسین نے مخالفت میں ووٹ دیا ، سندھ کے 2 ججز سے متعلق جسٹس ریٹائرڈ سرمد جلال عثمانی نے بھی مخالفت میں ووٹ دیا۔چیف جسٹس عمر عطا بندیال، جسٹس سجاد علی شاہ اورجسٹس اعجاز الاحسن نے نامزدگیوں کے حق میں ووٹ دیا۔ ذرائع کے مطابق جسٹس ریٹائرڈ سرمد جلال عثمانی نےسندھ سے 2نامزدگیوں کی مخالفت، 3 کے حق میں ووٹ دیا۔ ذرائع کے مطابق چار کے مقابلے میں 5 ووٹ مخالفت میں آنے پر اجلاس ختم کردیا گیا۔اجلاس میں پشاور ہائی کورٹ کے چیف جسٹس قیصر رشید، لاہور ہائی کورٹ کے جسٹس شاہد وحید ، سندھ ہائی کورٹ کے جسٹس اظہر رضوی، جسٹس شفیع صدیق اور جسٹس نعمت کے ناموں پر غورکیا گیا۔ اجلاس کے اعلامیے کے مطابق جوڈیشل کمیشن کا اجلاس چیف جسٹس کی زیر صدارت کمیٹی روم میں ہوا، چیف جسٹس سمیت 7 ارکان اجلاس میں شریک ہوئے۔سپریم کورٹ کی جانب سے جاری اعلامیے میں کہا گیا ہے کہ 2 ارکان جسٹس قاضی فائز عیسیٰ اور اٹارنی جنرل آف پاکستان وڈیو لنک کے ذریعے اجلاس میں شریک ہوئے، اجلاس میں سپریم کورٹ میں بطور جج تعیناتی کیلئے 5 ناموں پر غور کیا گیا۔اعلامیے کے مطابق جوڈیشل کمیشن کا اجلاس مؤخر کیا گیا ہے‘اجلاس مؤخر کرنے کی حمایت اٹارنی جنرل نے بھی کی‘اجلاس مؤخر کرنے سے متعلق 5 ارکان کے ووٹ آئے، ناموں پر بحث کےبعدچیف جسٹس نے نئے ججز سے متعلق مزید ڈیٹا فراہم کرنےکی ہدایت کی۔ اعلامیے میں کہا گیا ہے کہ چیف جسٹس نے مزید غور کیلئےاجلاس مؤخر کرنے کی تجویزدی، جسٹس اعجاز الاحسن،جسٹس سجاد علی شاہ اور جسٹس (ر) سرمد جلال عثمانی نے اجلاس مؤخر کرنے کی حمایت کی۔
اسلام آباد وفاقی وزیر اطلاعات و نشریات عطاءاللہ تارڑ نے کہا ہے کہ سوشل میڈیا پر سب سے بڑا چیلنج جعلی خبریں...
اسلام آباد رواں مالی سال 2023-24کی دوسری سہ ماہی میں اقتصادی شرح نمو کم ہو کر ایک فیصد پر آگئی جو پہلی سہ ماہی...
اسلام آباد پنجاب حکومت نے غیر قانونی طور پر جنگلی حیات رکھنے کے خلاف صوبے بھر میں کریک ڈاؤن کا آغاز کر...
کراچی انجمن ترقی اردو پاکستان کے صدر اور وفاقی اردو یونیورسٹی کی سینٹ کے رکن واجد جواد نے یونیورسٹی کی جانب...
اسلام آباد اسٹیٹ بینک آف پاکستان نے ملک بھر کے بینکوں اور اسٹیٹ بینک کی برانچوں کو ہدایت کی ہے کہ وہ اپنی...
کراچی قومی کرکٹ ٹیم کے سابق کپتان سرفراز احمد جمعہ کو ”جیونیوز“ کے شو ”ہنسنا منع ہے“ کے مہمان ہوں گے۔...
اسلام آباد وزیر داخلہ محسن نقوی نے کہا ہے کہ دہشتگردی کیخلاف جنگ میں خیبر پختونخوا فرنٹ فٹ پر ہےسی ٹی ڈی نے...
کراچی سندھ حکومت نے 4 اپریل جمعرات کو صوبے بھر میں عام تعطیل کا اعلان کیا ہے،سندھ حکومت کی جانب سے جاری نوٹی...