اسلام آباد (خصوصی نمائندہ) حکومت نےبجلی کی قیمت میں 9روپے 89پیسے فی یونٹ اضافہ کر دیا ہے۔بجلی کی تقسیم کار کمپنیوں (ڈسکوز )کے جون کے ماہانہ فیول چارجز ایڈجسٹمنٹ کے حوالے سے درخواست پر نیپرا ہیڈ کوارٹر میں جمعرات کو چیئرمین نیپر انجینئرتوصیف ایچ فاروقی کی زیر صدارت عوامی سماعت ہوئی ۔سی پی پی اے جی نے ایف سی اے کی مد میں 9روپے 91پیسے فی یونٹ اضافے کی درخواست جمع کروائی تھی۔ نیپرا اتھارٹی کے مطابق اضافہ ڈیٹا کی ابتدائی جانچ پڑتال کے مطابق 9 روپے 89 پیسےفی یونٹ بنتا ہے ،اس سے قبل مئی کا ایف سی اے صارفین سے 7 روپے 91 پیسے فی یونٹ چارج کیا گیا تھا جو کہ صرف 1 ماہ کے لئے تھا ، اس لیے جون کا ایف سی اے مئی کی نسبت 1 روپے 98 پیسے فی یونٹ صارفین سے زیادہ چارج کیا جائے گا۔اس کا اطلاق بھی صرف 1 ماہ کے لئے ہو گا، نیپرا کے مطابق اس کا اطلاق ڈسکوز کے تمام صارفین ماسوائے لائف لائن صارفین پر ہو گا،اس کا اطلاق کے الیکٹرک صارفین پر بھی نہیں ہو گا، اتھارٹی ڈیٹا کی مزید جانچ پڑتال کے بعد اپنا تفصیلی فیصلہ جاری کرے گی۔اس کے نتیجے میں بجلی کے صارفین پر ایک ماہ میں 100 ارب روپے سے زائد کا بوجھ پڑے گا۔علاوہ ازیں کراچی کے صارفین کے لئے بجلی 11 روپے 37 پیسے مہنگی کردی گئی۔یہ اضافہ فیول ایڈجسٹمنٹ کے حوالے سے کیا گیا ، کے الیکٹرک نے ایف سی اے کی مد میں 11 روپے 39 پیسے فی یونٹ اضافے کی درخواست جمع کروائی تھی،جون کا ایف سی اے مئی کی نسبت 1 روپے 85 پیسے صارفین سے زیادہ چارج کیا جائے گااس کا اطلاق بھی صرف 1 ماہ کے لئے ہو گا۔
اسلام آباد وفاقی اور صو بائی سروس کے گریڈ 19 میں ترقی کیلئے لاز می مِڈ کیریئر مینجمنٹ کورس کیلئے نامزد افسران...
اسلام آباد وزارت داخلہ کی ہدایت پر سیکورٹی اداروں نے ایران کے صدر ابراہیم رئیس کے دورہ پاکستان کے حوالے سے ...
کراچی جیوکے پروگرام ”آج شاہزیب خانزادہ کے ساتھ“ میں گفتگو کرتے ہوئے سینئر صحافی و تجزیہ کار حامد میر نے...
اسلام آ باد وفاقی بیوروکریسی میں اعلیٰ سطح پر تقرر و تبادلے ، ڈی جی سول ایوی ایشن اتھارٹی، ڈی جی پاکستان...
اسلام آ باد وزارت مذہبی امور کے ذ یلی ادارے متروکہ وقف املاک بورڈ کے چیئر مین کے عہدہ کیلئےطے شدہ انٹرویوز...
اسلام آباد مشرق وسطیٰ کی تازہ ترین صورتحال اور اسرائیل اور ایران کے درمیان عسکری محاذ آرائی کے تناظر میں...
اسلام آباد سعودی عرب کے معاون وزیر دفاع میجر جنرل طلال بن عبداللہ نے جی ایچ کیو میں آرمی چیف جنرل سید عاصم...
اسلام آباد 6 ججز کے خط کے معاملے پر اہم پیشرفت سامنے آ گئی ،اسلام آباد ہائیکورٹ نے سپریم کورٹ کی ہدایت پر...