جنگ گروپ کے زیراہتمام ’’دی نیوز ایجوکیشن ایکسپو 2022‘‘کل شروع ہوگی

لاہور(نمائندہ جنگ)جنگ گروپ کے زیر اہتمام پاکستان کی سب سے بڑی تعلیمی نمائش’’ دی نیوز ایجوکیشن ایکسپو2022‘‘ کا آغاز کل بروز ہفتہ30 جولائی کو پی سی ہوٹل میں ہوگا، نمائش دو روز جاری رہے گی ، ملک بھر اور بیرون ملک کے تعلیمی ادارے بھی اپنے سٹالز لگائیں گے اور طلبہ و طالبات کو ایک ہی چھت تلے معلومات فراہم کریں گے ۔ دی نیوز ایجوکیشن ایکسپو کے منتظمین کا کہنا ہے کہ نمائش کا مقصد ایک چھت تلے طلبہ کو اپنے بہتر مستقبل کے لئے رہنمائی کانہایت زبردست موقع فراہم کرناہے، تعلیمی نمائش ہفتہ اور اتوار دوروز صبح 10 بجے سے شام 7 بجے تک بغیر کسی وقفے کے بغیر جاری رہے گی۔طلبہ و والدین اور شعبہ تعلیم سے وابستہ افراد نے ایکسپو کو نہایت خوش آئند قرار دیتے ہوئے کہا ہے کہ ہمیں اس ایونٹ کا نہایت بے چینی سے انتظار تھا ، جنگ گروپ کا تعلیم دوست اقدام ہے۔ یہ ایک بہت اچھا ایونٹ ہے اور اس طرح کے ایونٹس وقتاً فوقتاً ہوتے رہنے چاہئے۔ جنگ میڈیا گروپ ٹرینڈ سیٹر ہے۔واضح رہے کہ کورونا کے باعث کئی سال تک ایجوکیشن ایکسپو فزیکل منعقد نہیں ہو سکی تھی اور گذشتہ برس آن لائن ایجوکیشن ایکسپو کا انعقاد کیا گیا تھا۔