خراب موسم ، عمران خان کا دورہ لاہور موخر

اسلام آباد(خبر نگار)موسم کی خرابی کے باعث چیئرمین تحریک انصاف عمران خان کا لاہور کا دورہ موخر ہو گیا۔پارٹی کے وائس چیئرمین شاہ محمود قریشی کے مطابق عمران خان ائیر پورٹ پہنچ گئے تھے مگر موسم خراب ہونے کی وجہ سے انہیں واپس جانا پڑا۔ واضح رہے کہ چیئرمین تحریک انصاف عمران خان نے جمعرات کو اپنے دورہ لاہور کے دوران وزیر اعلیٰ پرویز الٰہی اور دیگر رہنماؤں سے ملاقاتیں کرنی تھیں اور انہیں پنجاب حکومت کی کارکردگی کے حوالے سے روڈ میپ دینا تھا مگر خراب موسم کی وجہ سے وہ جا نہیں سکے۔