فارن فنڈنگ کیس، حکومت منطقی انجام تک پہنچائے گی، وزیراعظم

اسلام آباد(اے پی پی)وزیر اعظم شہباز شریف نے کہا ہےکہ کئی دہائیوں تک عمران نیازی دیانتداری،شفافیت اور احتساب کے نام پر عوام کو گمراہ کرتا رہا‘فارن فنڈنگ کیس کے فیصلہ نے اس کا یہ بھانڈا پھوڑ دیا‘اتحادی حکومت اسے منطقی انجام تک پہنچائے گی۔جمعرات کو اپنے بیان میں انہوں نے کہا کہ فارن فنڈنگ کیس کے فیصلے نے ثابت کردیا کہ عمران نیازی کی اصل حقیقت کیا ہے، دراصل وہ ایک مکار آدمی ہے۔انہوں نے کہا کہ 8 سال سے عمران نیازی نے اس کیس کے فیصلے میں تاخیر کے لئے تمام حربے اپنائے،اس سلسلے میں انہوں نے 9 پٹیشنز ہائی کورٹ میں دائر کیں جب 50بار التواء مانگا گیا۔انہوں نے کہا کہ عمران نیازی نے اپنے رضامندی سے جان بوجھ کر غلط حلف نامے جمع کرائے۔انہوں نےکہا کہ یہ اس بات کا ثبوت ہےکہ پی ٹی آئی بغیر کسی شک کے غیر ملکی فنڈڈپارٹی ہے۔