مبارک ہو!عمران کا نام ECLمیں ڈال دیاگیا‘فیصل جاوید کا دعویٰ

اسلام آباد (این این آئی)تحریک انصاف کے سینیٹر فیصل جاوید خان نے دعویٰ کیا ہے کہ سابق وزیراعظم عمران خان کا نام ایگزٹ کنٹرول لسٹ (ای سی ایل) میں شامل کردیا گیا ہے۔دوسری جانب ذرائع کا کہناہے کہ وفاقی کابینہ نے عمران خان اور دیگر قیادت کا نام ای سی ایل پر ڈالنے کی منظوری نہیں دی۔جمعرات کو ایف 9پارک میں پارٹی کارکنان سے خطاب کرتے ہوئے فیصل جاوید خان نے کہاکہ مبارک ہو! عمران خان کا نام ای سی ایل میں ڈال دیا گیا ہے۔فیصل جاوید خان نے کہا کہ عمران خان نے بھارتی بلے باز سری کانت کو آؤٹ کیا، اس نے کہا وہ آؤٹ نہیں تو عمران خان نے سری کانت کو واپس بلا لیا کہ بیٹنگ دوبارہ کرلو۔ انہوںنے کہاکہ سری کانت کو عمران خان نے اگلی ہی گیند پر پھر آؤٹ کردیا اور اب یہی پی ڈی ایم کے ساتھ ہوگا۔