تعلیم ترقی کی بنیاد ، کوتاہی برداشت نہیں کی جائیگی ،گورنر جان جمالی

کوئٹہ (خ ن) قائمقام گورنر بلوچستان میر جان محمد جمالی نے کہا ہے کہ اعلیٰ تعلیمی اداروں کی کامیابی میرٹ کی پاسداری کو یقینی بنانے اور شفافیت کو برقرار رکھنے سے وابستہ ہے، ہم آنے والی نسلوں کو اس وقت تحفظ دے سکتے ہیں جب ہم اپنے موجودہ تعلیمی اداروں کی کارکردگی کو بہتر بنائیں گے، قائمقام گورنر بلوچستان نے صوبے کے مختلف اضلاع میں قائم ہونے والے یونیورسٹی کیمپسز کی حالت اور کارکردگی پر تشویش کا اظہار کرتے ہوئے کہا کہ اعلیٰ تعلیم کے فروغ کے حوالے سے کسی قسم کی کوتاہی برداشت نہیں کی جائیگی، ان خیالات کا اظہار انہوں نے جمعرات کو گورنرہاوس کوئٹہ میں صوبائی سیکرٹری ہائیر ایجوکیشن حافظ عبدالماجد، پرنسپل سیکرٹری ٹو گورنر بلوچستان عبدالناصر دوتانی اور یونیورسٹی آف بلوچستان کے جیئند جمالدینی بھی موجود تھے،اس موقع پر قائمقام گورنر بلوچستان نے کہا کہ تعلیم ہر قسم کی ترقی کی بنیاد ہے اور دنیا کے ترقی یافتہ ممالک کی ترقی کا راز بھی کوالٹی ایجوکیشن میں ہی پنہاں ہے، انہوں نے متعلقہ حکام پر زور دیا کہ وہ یونیورسٹیز کی کارکردگی کی مزید بہتری کیلئے اقدامات اٹھائیں اور بالخصوص اساتذہ کی تعیناتی اور پروموشن میں میرٹ کا خصوصی خیال رکھا جائے،واضح رہے کہ اپوائنٹمنٹ کنوینئر فار سرچ کمیٹی کے اجلاس 18 اگست جمعرات کو ہوگا۔