بلوچستان میں بھی آج یوم استحصال کشمیر منایا جائیگا

کوئٹہ(خ ن)کوئٹہ وزارت امور کشمیر و گلگت بلتستان حکومت پاکستان کی ہدایت پر5اگست 2022 کو اپنے کشمیری بھائیوں سے بھرپور اظہار یکجہتی کے لئے یوم استحصال منایا جارہا ہے وفاق کے ساتھ ساتھ صوبائی سطح پر بھی حکومتی عہدیداران و منتخب نمائندے عوام کے ساتھ مل کر اس دن کو منائیں گے تاکہ پوری دنیا پر یہ ثابت ہو جائے کہ ہم بحثیت قوم کشمیریوں کے ساتھ ہیں اور انڈیا کے خلاف ان کے حق خود ارادیت کی بھر پور حمایت کرتے ہیں صوبہ بلوچستان میں بھی آج یہ دن بھرپور طریقے سے منایا جائے گا قائم مقام گورنر بلوچستان جان محمد جمالی کی قیادت میں خصوصی واک کا انعقاد ہوگا جس میں منتخب نمائندوں سمیت ہر شعبہ ہائے زندگی سے تعلق رکھنے والے افراد بھرپور شرکت کریں گے علاوہ ازیں صوبائی سطح پر دیگر پروگراموں کا بھی انعقاد کیا جائے گا اس ضمن میں صوبے کے تمام پرنٹ و الیکٹرانک میڈیا سے بھی گزارش کی جاتی ہے کہ وہ مظلوم کشمیریوں کا بھرپور ساتھ دیتے ہوئے اس دن کی تمام تقریبات کو بھرپور کوریج دیں۔