غلطی دہرانے کے کسی صورت متحمل نہیں ہوسکتے‘ حافظ حسین احمد

05 اگست ، 2022

کوئٹہ ( پ ر) جمعیت پاکستان کے سینئر رہنما حافظ حسین احمد نے کہا ہے کہ افغانستان میں ایمن الظواہری کو نشانہ بنانے والا امریکی ڈرون کہاں سے اُڑایا گیا تھا اور کیا امریکہ افغانستان سے شرمناک شکست اور انخلاء کے بعد بھی افغانستان میں ماضی کا وہی کھیل نیٹو افواج واپس بلانے کے باوجود جاری رکھنا چاہتا ہےانہوںنے وفود سے گفتگوکرتے ہوئے کہاکہ جنرل مشرف کے دور کی طرح امریکہ ایک بار پھر پاکستان کے ائیر بیس اور سرزمین کو افغانستان کے خلاف استعمال کرنے کا منصوبہ بناچکا ہے جس کی وجہ سے پاکستان میں 80ہزار شہادتیں ہوئیں اور فاٹا کا پرامن اور ملک کا قدرتی دفاعی مورچہ آج مملکت کے لیے مسئلہ بن چکا ہے اور ہم افغانستان کے توسط سے قبائل میں امن کے لیے سرگرم عمل ہیں اب دوبارہ اس عظیم غلطی کو دھرانے کے ہم کسی صورت متحمل نہیں ہوسکتے۔