بجلی کی طویل لوڈ شیڈنگ نے عوام کی زندگی اجیرن کر دی، جمعیت ن

05 اگست ، 2022

کوئٹہ(آن لائن)جمعیت نظریاتی کے مرکزی سیکرٹری اطلاعات حاجی سیدعبدالستارشاہ چشتی نے کہاہے کہ کوئٹہ شہرمیں مسلسل بجلی کے لوڈشیڈنگ وآنکھ مچولی دوسری جانب آرٹ سکول روڈکاسی روڈمیزان چوک سرکلہ روڈمنصفی روڈمسجدروڈمشن روڈطوغی روڈ اور شہر کے مضافاتی علاقوں میں واساکی جانب سے پانی کی عدم فراہمی نے تاجروں اور عوام کی زندگی عذاب بنادی ہے، انہوں نے کہاکہ لوڈشیڈنگ، بجلی کے بھاری بل اور ناروا ٹیکسزکے باوجودتمام دن بجلی غائب یاآنکھ مچولی سے تاجرحلقوں وعوام کے صبر کاپیمانہ لبریز ہو چکا ہےانہوں نے کہا کہ فقیرمحمد روڈ، گل بادشاہ گلی کواری روڈ، نیو فقیرمحمد ملا سلام روڈ میں بجلی کے کھمبے گرنے سے بڑے خطرات منڈلا رہے ہیں، مگر بار بار درخواست دینے کے باوجود واپڈا بے حسی اور بے بسی کا مظاہرہ کر رہا ہے۔