محتسب ادارے کا مینڈٹ ہی عوام کو مفت انصاف کی فراہمی ہے، ہاشم ندیم

کوئٹہ(خ ن)سیکرٹری صوبائی محتسب بلوچستان محمد ہاشم ندیم نے کہا ہے کہ محتسب ادارے کا مینڈیٹ ہی عوام کو مفت انصاف کی فراہمی ہے لہذٰا اس ضمن میں محتسب ادارے کے تمام انوسٹی گیشن افسران کیسوں کی سماعت کے دوران میرٹ کے مطابق فیصلوں کے ذریعے سائلین کی داد رسی کو یقینی بنائیں انہوں نے کہا کہ دفتری امور کی بہتر انجام دہی کیلئے ضروری ہے کہ ہم ٹیم ورک کے تحت کام کرتے ہوئے محتسب ادارے کی کارکردگی کو مزید بہتر بنانے کیلئے سنجیدہ کوششیں کریں ان خیالات کا اظہار انہوں نے گزشتہ روز محتسب ادارے کی کارکردگی کے حوالے سے جائزہ اجلاس کی صدارت کرتے ہوئے کیا اس موقع پر اجلاس کے دیگر شرکاء میں ڈائریکٹرز محتسب سیکرٹریٹ سید منور شاہ غلام مصطفٰی کاکڑ ظہور احمد کاسی سعید احمد شاہوانی ڈپٹی ڈائریکٹرز عبدالجمیل کاکڑ سید عبدالحفیظ بختیار خان رجسٹرار سید محمد علی اسسٹنٹ ڈائریکٹرز محمد قاسم اورنگزیب بگٹی اور ایڈمن آفیسر منیر احمد بزنجو شامل تھے۔ اجلاس سے خطاب میں سیکرٹری محتسب نے مزید کہا کہ محتسب ادارے کی اہمیت اور افادیت کی وجہ سے پورے صوبے سے لوگ اپنے مختلف مسائل کے حل کیلئے درخواستیں جمع کروا رہے ہیں لہٰذا اس حوالے سے ادارے میں موجود آفیسران و دیگر اہلکار اپنی پیشہ ورانہ صلاحیتوں کو بروئے کار لاتے ہوئے ان سائلین کی داد رسی کیلئے فوری اقدامات کریں گے تو اس سے نہ صرف انہیں جلد انصاف کی فراہمی ممکن ہوگی بلکہ محتسب ادارے کی کارکردگی میں بھی اضافہ ہو گا اجلاس کے دوران باہمی مشاورت سے فیصلہ کیا گیا کہ دسمبر 2021 تک رجسٹرڈ شدہ کیسسز کی باقاعدہ جانچ پڑتال کے بعد ان تمام مقدمات کو جلد از جلد فیصلے کی طرف لے جایا جائے گا تاکہ انصاف کی فراہمی اور سرعت میں کوئی رخنہ درپیش نہ ہو مزید برآں محکمے کے نظم و ضبط کے حوالے سے بھی اہم فیصلے کئے گئے دریں اثناء انوسٹی گیشن آفیسران نے سیکرٹری محتسب کو تفویض کیے گئے محکموں کی تفصیلات سمیت کیسوں کی تعداد زیر سماعت کیسسز اور مکمل کیسوں کے بارے میں کئے گئے فیصلوں اور اقدامات سے آگاہ کیا۔