حقوق کے حصول کیلئے کسی قربانی سے دریغ نہیں کریں گے،عزیز بلوچ

کوئٹہ ( پ ر) پاکستان پیرا میڈیکل اسٹاف ایسوسی ایشن فاطمہ جناح انسٹیٹیوٹ آف چیسٹ ڈیزیزکوئٹہ کے صدر عزیزاحمد بلوچ،سینئر نائب صدر میر عبدالعلی کھیازئی، نائب صدر سلطان محمد کاکڑ، سربراہ پینل حاجی شیر محمد بڑیچ،جنرل سیکرٹری محمداقبال بازئی، ڈپٹی جنرل سیکرٹری حاجی محمد ابراہیم مینگل،فنانس سیکرٹری حاجی ملک محمد حسن محمد حسنی اور سرپرست اعلیٰ امیر اللہ خان یوسفزئی اور دیگر نے کہا ہے کہ پیرا میڈیکل اسٹاف کے تمام مسائل کو حل کیا جائے گا حقوق کے حصول کیلئے کسی قربانی سے دریغ نہیں کریں گے انہوں نے کہا کہ پیرا میڈیکل اسٹاف کے مسائل حل کرانے میں ایگزیکٹو ڈائریکٹر پروفیسر ڈاکٹر شیرین اور میڈیکل سپرنٹنڈنٹ ڈاکٹر صادق بلوچ کا کلیدی کردار رہا ہے انہوں نے ان مسائل کے حل کے حوالے سے ہمیشہ تعاون کیا ہے ہم ان کاشکریہ ادا کرتے ہیں امید کہ وہ آئندہ بھی تعاون کریں گے۔