جامعہ بلوچستان کے ملازمین کو تنخواہیں ادا کی جائیں ‘ جوائنٹ ایکشن کمیٹی

کوئٹہ( پ ر) جوائنٹ ایکشن کمیٹی یونیورسٹی آف بلوچستان کے پروفیسر ڈاکٹر کلیم اللہ بڑیچ، شاہ علی بگٹی، نذیر احمد لہڑی ‘ آصف بلوچ، فرید خان اچکزئی، گل جان کاکڑ نعمت اللہ کاکڑ اور وقار خان نے مشترکہ بیان میں بلوچستان یونیورسٹی کے اساتذہ اور ملازمین کو تا حال گزشتہ اور رواں مہینےکی مکمل تنخواہ کی عدم فراہمی پر سخت تشویش کا اظہار کرتے ہوئے کہا کہ اس حوالے سے اکیڈمک سٹاف ایسوسی ایشن کے دفتر میں اجلاس بھی ہوا جس میں تینوں ایسوسی ایشنز کے صدور اور جنرل سیکرٹریز سمیت دیگر نے شرکت کی تھی ، بعد ازاں وائس چانسلر سے ملاقات کی اور انہیں اساتذہ اور ملازمین کی مشکلات اور جذبات سے آگاہ کیا، وائس چانسلر نے یقین دہانی کرائی تھی امید ہے کہ یونیورسٹی آف بلوچستان کی انتظامیہ تحریری معاہدے کی پاسداری کرتے ہوئے جامعہ بلوچستان کے اساتذہ اور ملازمین کو مکمل تنخواہ کی بروقت ادائیگی یقینی بنائے گی اور وفاقی حکومت کے اعلان کے مطابق اضافی تنخواہ بھی دی جائیگی۔