بلوچستان کے لوگوں کو ریاست کاشہری نہیں سمجھاجارہاہے‘نیشنل پارٹی

05 اگست ، 2022

کوئٹہ( این این آئی) نیشنل پارٹی کے صوبائی پریس ریلیز میں کہا گیا ہے کہ خاران مینگل روڈ پر 2اگست کی رات سی ٹی ڈی اور ایف سی کی ثناء اللہ شاہوانی کے گھر پر یلغار چارد اور چار دیواری کی پا ما لی اور ان کے بیٹوں عمران ثناء اللہ اور عا مر ثناء اللہ کو فائرنگ کر کے شہید کر نا انتہائی قابل مذمت‘ اخلا قیات اور انسا نیت کے منا فی اقدام ہے پارٹی نے ہمیشہ اس قسم کے اقدامات کی بھر پور مخالفت کی ہے بیان میں کہاگیا کہ ثناء اللہ کے بیٹے رو پوش تھے نہ ہی کسی غیر قانونی عمل میں ملوث اگر اداروں کے پاس کوئی ثبوت تھے تو انہیں گولیوں کا نشانہ بنانے کی ان کے خاندان کے سرکردہ افراد سے رابطہ کیاجاتاوہ خود نوجوانوں کو تفتیش کیلئے اداروں کے حوالے کردیتے لیکن اس کے بر عکس بغیر کسی وارنٹ اور وارننگ کے گھر پر دھاوا بول کر انہیں شہید کرکے تیسرے بھائی عرفان کو حراست میں لے لیاگیا ریا ستی ادارے اس قسم کے منفی عمل سے نفرت کے بیج بو رہے ہیں نیشنل پارٹی یہ سمجھتی ہے کہ اس قسم کے اقدامات سے لوگوں کو مزید بد زن اور بے اعتماد کیا جا رہا ہے بیان میں کہاگیا کہ رات کی تاریکی میں کاروائی کر نے سے خواتین اور بچوں میں خوف و ہراس پید اکر نے کی بجائےعلاقہ ایس ایچ او انہیں طلب کرسکتاتھا اس قسم کے اقدامات سے لگتا ہے کہ بلو چستان کے سپوتوں کو انسان اور اس ریاست کا شہری نہیں سمجھاجارہا بیان میں مطالبہ کہا کہ عر فان ثناء شاہوانی کو فوراً رہاکرکے واقعہ کی تحقیقات کرکے ذمہ داروں کو سزاء دی جائے۔