ڈالر کی قیمت میں کمی کے بعد اب عوام کےلیے ریلیف کا مرحلہ آگیا ہے،مسلم لیگ (ن)

کوئٹہ(آن لائن)پاکستان مسلم لیگ(ن) کے صوبائی صدر وسابق اسپیکر جمال شاہ کاکڑ نے کہا ہے کہ وزیراعظم شہباز شریف اور اتحادی جماعتوں کے سخت فیصلوں کے بعد عوام کو ریلیف دینے کا مرحلہ پہنچ گیا ڈالر کی قیمت میں کمی کے بعد اب عوام کےلیے ریلیف کا مرحلہ آگیا ہے ان سخت فیصلوں کی وجہ سے پاکستان ڈیفالٹ کرنے سے بچ گیا۔ان خیالات کااظہار انہوں نے گزشتہ روز ایک وفد سے گفتگو کرتے ہوئے کیا ۔انہوں نے کہاکہ تین مہینے کی سخت جدوجہد اور سخت فیصلوں کے بعد وزیراعظم کی جانب سے عوام کو مہنگائی سے نجات دینے کیلئے اقدامات کا آغاز گزشتہ روز ہوگیا کیونکہ گزشتہ ساڑھے تین برسوں میں جس طرح ملک کے تمام اداروں کو دیوالیہ بنایا گیا تھا وزیراعظم شہباز شریف کی دن رات محنت بلااخر رنگ لے آئی ڈالر اور سونے کی قیمتوں میں کمی اس بات کی دلیل ہے کہ حکومت اب عوام کو ریلیف دے گی پیٹرولیم کی قیمتوں میں مزید کمی لائے گی تاکہ مہنگائی کے ستائے ہوئے عوام کو ریلیف دیا جاسکے ۔