حکمرانوں نے سامراجی طاقتوں کی غلامی میں ملک دا ئوپر لگا دیا،مولانا لونی

کوئٹہ(آن لائن)جمعیت نظریاتی پاکستان کے مرکزی سینئر نائب امیر مولاناعبدالقادر لونی نے اسلام آباد میں جماعتی ذمہ داران سے ملاقات میںکہاہے کہ ملک پر امریکہ کے غلام حکمران مسلط ہوتے ہی امریکی سامراج کی غلامی کا طوق گلے میں ڈالنے میں زیادہ دیر نہیں کی گئی۔ ہمارے حکمرانوں نے ہمیشہ بھکاری کی حیثیت سے ہی سامراجی طاقتوں کی غلامی میں اپنے ملک کو دا ئوپر لگا دیا، انہوں نے کہا کہ بیس سال حکمران نے پرائی جنگ میں امریکہ کا ساتھ دیا۔ اس سے ہمیں کیا ملا؟ ہمارے 80ہزار لوگوں کی جانیں گئیں۔ 100ارب ڈالر کا نقصان ہوا، قبائلی علاقہ ڈرون حملوں سے اجڑ گیا،کیا آج تک حکمرانوں کی غلامی کا شکریہ امریکہ نے ادا کیا؟ پی ڈی ایم کی سربراہ مولانا فضل الرحمٰن امریکہ ڈرون حملے پر اس لیے خاموش ہے کہ ان کو امریکہ نے اقتدار میں اسی لیے لایا گیا، انہوں نے کہا کہ قوم آج بھی امریکہ کی غلامی کی زنجیروں کو نہ توڑا گیا تو ملک ناقابل برداشت نقصان سے دوچار ہوگا ،حکمرانوں نے جب بھی امریکہ پر اعتماد کیا انہوں نے دھوکہ دیا ہے وہ ہمیشہ دھوکے میں رہا ماضی میں پاکستان کو امریکی جنگ میں جھونک کر قوم کو ایک دلدل میں پھنسایا گیا۔