مریم نواز کی ن لیگ کے قائدین کو ممنوعہ فنڈنگ معاملہ نمایاں کرنے کی ہدایت

05 اگست ، 2022

لاہور (صباح نیوز) مسلم لیگ( ن )کے پارٹی قائد نواز شریف نے ممنوعہ فنڈنگ کیس اور عمران خان کے خلاف پارٹی سے متعلق مریم نواز کو اہم ذمہ داریاں سونپ دیں۔ ذرائع کے مطابق پارٹی قائد کی طرف سے ذمہ داری ملنے کے بعد مسلم لیگ ن کی نائب صدر مریم نواز متحرک ہو گئی ہیں۔انہوں نے مسلم لیگ ن کے قائدین رہنمائوں اور کارکنوں کو ممنوعہ فنڈنگ کے معاملہ کو زیادہ سے زیادہ نمایاں کرنے کی ہدایت کی ہے،لیگی وزرا ء اور پارٹی رہنماؤں کو اہم ذمہ داریاں بھی سونپ دی گئیں ،مہم کی نگرانی خود مریم نواز کریں گی۔ اس حوالے سے مریم نواز کی جانب سے لیگی وزرا ء اور پارٹی رہنمائوں کو اہم ذمہ داریاں بھی سونپ دی گئی ہیں اور مہم کی نگرانی خود مریم نواز کریں گی۔جاری کردہ شیڈول کے مطابق تمام قائدین روزانہ کی بنیاد پر پریس کانفرنس میں ممنوعہ فنڈنگ کو نمایاں کریں گے۔ پریس کانفرنسز میں عمران دور حکومت کی کرپشن اور مہنگائی کو بھی اجاگر کیا جائے گا۔ عمران خان کو ہدف تنقید بنایا جائے گا۔