کراچی سمیت سندھ بھر میں تیز بارشوں کا نیا الرٹ جاری

کراچی(جنگ نیوز)کراچی سمیت سندھ بھر میں تیز بارشوں کا نیا الرٹ جاری کردیاگیا۔مون سون بارشوں کے چوتھے اسپیل کے دوران کراچی میں کل سے تیز بارشوں کا امکان ہے ۔ چیف میٹرولوجسٹ کا کہنا ہے کہ کراچی سمیت سندھ بھر کیلیے دو سسٹم آرہے ہیں ۔ انہوں نے کہا کہ مون سون کا چوتھا اسپیل سندھ میں آج سے جبکہ کراچی میں کل سے برسے گا۔ انہوں نے کہا کہ چوتھا اسپیل 9 اگست تک برسے گا جبکہ ایک اور اسپیل سندھ میں 10 اگست سے اور کراچی میں 11 اگست سے داخل ہوگا ، یہ 15 اگست تک جاری رہ سکتا ہے۔ انکا کہنا تھا کہ پانچواں اسپیل 15 اگست تک جاری رہ سکتا ہے۔