اقوام متحدہ میں سعودی سفیرعبداللہ المعلمی 11سال بعد اپنے عہدے سے سبکدوش

اقوام متحدہ (اے پی پی) اقوام متحدہ میں سعودی عرب کے سفیر عبداللہ المعلمی11سال بعد اپنے عہدے سے سبکدوش ہو گئے ان کی جگہ ڈاکٹر عبدالعزیز بن محمد الواصل کو نیا سفیر مقرر کیا گیا ہے۔ تفصیلات کے مطابق اقوام متحدہ میں سعودی عرب کے سفیر عبداللہ المعلمی 11 سال بعد اپنے عہدے سے سبکدوش ہو گئے ان کی جگہ ڈاکٹر عبدالعزیز بن محمد الواصل کو نیا سفیر مقرر کیا گیا ہے، ڈاکٹر عبدالعزیز بن محمد الواصل نے اپنی اسناد اقوام متحدہ کے سیکرٹری جنرل انتونیو گوترش کو پیش کر دیں ۔ عبداللہ المعلمی اقوام متحدہ میں اپنے دور میں کئی اہم عہدوں پر فائز رہے، جہاں انہوں نے بعض عرب ممالک جیسے لیبیا اور عراق میں سعودی عرب کی جانب سے بیرونی مداخلت کو مسترد کرنے اور شامی عوام کے مصائب کے خاتمے کی ضرورت پر زور دیا۔ انہوں نے ہمیشہ مسئلہ فلسطین کے پرامن حل پر بات کی اور سعودی عرب کے فلسطین کے حوالے سے اصولی موقف کی ترجمانی کی۔انہوں نے میانمار میں انسانی حقوق کی خلاف ورزیوں، ظلم و ستم اورلوگوں کو بے گھر کرنے کی کھل کر مذمت کی۔