کوٹلی، ووٹرفہرستوں میں درستگی سے متعلق درخواستوں پر سماعت آج ہوگی

کوٹلی(نمائندہ جنگ)ڈپٹی کمشنرآفس میں ووٹر فہرستوں میں درستگی متعلق ا درخواستوں پر سماعت آج ہوگی ۔ڈپٹی کمشنرآفس سے جاری پریس ریلیزمیں بتایاگیاہے کہ ایسے شہری جنہوں نے ووٹرفہرستوں میں درستگی سے متعلق اپنی درخواستیں ڈپٹی کمشنرآفس میں جمع کروارکھی ہیں وہ آج پانچ اگست صبح نوبجے سے سہ پہرتین بجے تک دفترڈپٹی کمشنرکوٹلی سماعت کے لیے اصالتاً حاضر ہوں نیزایسے افرادجنہوں نے اندراج ووٹ کے لیے درخواستیں جمع کروارکھی ہیں ان کی سماعت نہیں ہوگی۔ گذشتہ روز چیف الیکشن کمشنر چیف جسٹس (ر) عبدالرشیدسلہریانے ڈپٹی کمشنرآفس کوٹلی میں بلدیاتی انتخابات2022کے سلسلہ میں درستگی واندرا جات کے حوالہ سے موصول ہونے والی درخواستوں کی سماعت کی۔اس موقع پرڈپٹی کمشنرامجدعلی مغل، اسسٹنٹ الیکشن کمشنرخواجہ ارشد،تحصیلوں کے اسسٹنٹ کمشنرزبھی موجودتھے۔