امام شیخ اسد کو ایم بی ای کا اعزازملنے پرمیاں مقبول کی جانب سے استقبالیہ

برمنگھم (آصف محمود براہٹلوی) برمنگھم سنٹرل مسجد کے خطیب مولانا امام شیخ اسد کو کوویڈ 19کے دوران کمیونٹی خدمات پر ملکہ برطانیہ کی گولڈن جوبلی کے موقع پر ممبر آف برٹش ایمپائر دیا گیا، خوشی کے اس موقع پر معروف کاروباری، سماجی و سیاسی شخصیت میاں مقبول خان کی جانب سے امام شیخ محمد اسد کیلئے استقبالیہ کا انعقاد کیا گیا جس میں قونصلر جنرل پاکستان سردار عدنان رشید مہمان خصوصی تھے۔ سابق کونسلر چوہدری افضل، لارڈ لیفٹیننٹ ناصر اعوان، حاجی نجیب، محمد سعید مغل ایم بی ای، چوہدری فضل احمد، کونسلر ادریس، کونسلر ظفر اقبال، چوہدری اورنگزیب، چوہدری حبیب، چوہدری رضوان، چوہدری ظہیر، چوہدری اکبر، بیرسٹر تنویر، صاحبزادہ فاروق القادری، مولانا شعیب میرپوری، چوہدری اظہر محمود، عمر جاوید، عادل منظور، پروفیسر رضا محمود، محمد بوٹا شیدائی، چوہدری لیاقت، راجہ رفاقت، حاجی رفیق، شمریز خان اور برمنگھم کی دیگر شخصیات نے مولانا اسد کی خدمات پر ملکہ برطانیہ کی جانب سے ملنے والے ایم بی ای کے اعزاز کی خوشی میں منعقدہ اسقبالیہ میں شرکت کی۔  استقبالیہ سے خطاب کرتے ہوئے سردار عدنان رشید، چیف پولیس انسپکٹر محمد حنیف ، ڈپٹی لارڈ میئر کونسلر شفیق شاہ، کا کہنا تھا کہ ایم بی ای کے اعزاز سے پاکستان کا وقار بلند ہوا، امام مسجد شیخ اسد برطانیہ میں ہمارے لیے رول ماڈل ہیں، انھوں نے اپنے کردار اور عمل کے ذریعے اعلی اداروں میں اہم مقام حاصل کیا۔میزبان میاں مقبول خان نے معزز مہمانوں کی آمد کا شکریہ ادا کیا اور کہا کہ اس طرح کی تقریبات ہمیں آپس میں مل بیٹھنے کا موقع فراہم کرتی ہیں۔