عالمی مبصرین نے پلوسی کا دورہ اشتعال انگیزی قرار دےدیا

پیرس( رضا چوہدری )امریکی ایوان نمائندگان کی اسپیکر نینسی پیلوسی کا تائیوان کا دورہ ایک’’خالص اشتعال انگیزی‘‘ہے، عالمی مبصرین نے اس دور ے کو امریکا کی جانب سے شدید اشتعال انگیزی قرار دیا ہے۔چین نے نینسی پیلوسی کے دورے پرشدیدردعمل کااظہارکرتے ہوئے کہا ہے کہ آگ سے کھیلنے والے امریکی سیاست دانوں کاانجام اچھا نہیںہوگا ۔خبررساں ادارے کی رپورٹ کے مطابق چین کے فائٹرطیارے تائیوان کی جانب روانہ ہوگئے ہیں ۔چین کے وزیرخارجہ وانگ پی نے اپنے ردعمل میںکہا ہے کہ امریکہ کواس حرکت کی بھاری قیمت چکانا پڑے گی ۔ادھر چینی وزارت خارجہ کے ترجمان نےامریکی کانگریس کی اسپیکر نینسی پیلوسی کے دورہ تائیوان کے خوفناک سیاسی اثرات پر خبردار کیا ہے کہ چین کی خودمختاری اور سالمیت کو کوئی خطرہ ہوا تو چینی افواج ہاتھ پر ہاتھ دھرے نہیں بیٹھے گی۔دوسری جانب روس نے ایک بارپھر چین کے ساتھ "مکمل اظہار یکجہتی" کا اعادہ کیا ہے ۔ کریملن کے ترجمان دمتری پیسکوف نے نامہ نگاروں کو بتایا کہ اس سے خطے کی صورتحال مزید خراب ہو گی اور کشیدگی بڑھے گی ۔ چین تقریباً 23ملین کی آبادی والے تائیوان کو اپنے صوبوں میں سے ایک سمجھتا ہے، جسے اس نے چینی خانہ جنگی (1949) کے خاتمے کے بعد سے اب تک اپنے باقی علاقوں کے ساتھ کامیابی کے ساتھ دوبارہ ملایا ہے۔ تائیوان کے حکام کو بین الاقوامی قانونی حیثیت دینے کے کسی بھی اقدام کے خلاف، بیجنگ تائیوان اور دیگر ممالک کے درمیان کسی بھی سرکاری رابطے کے خلاف ہے۔ نینسی پیلوسی ملائیشیا سے تائیوان پہنچیں جو سنگاپور کے بعد اپنے ایشیائی دورے کا دوسرا مرحلہ تھا۔ تائیوان کے اخبار لبرٹی ٹائمز کے مطابق، جس نے گمنام ذرائع کا حوالہ دیا ہے۔