کراچی (این این آئی)پاکستان شوبز انڈسٹری کی سینئر اداکارہ مرینہ خان کی جانب سے فلم پروڈیوسرز پر معاوضہ ادا نہ کرنے کے الزامات کے بعد فلم پروڈیوسرز کا ردِ عمل سامنے آگیا۔ مرینہ خان کی جانب سے عائد کیے گئے الزامات پر فلم یارا وے کے پروڈیوسرز نے انسٹاگرام پر ایک وضاحتی پیغام جاری کیا ہے۔فلم کے پروڈکشن ہائوس بیلین پروڈکشنز کی جانب سے جاری کیے گئے بیان میں لکھا ہے کہ اداکارہ کی ادائیگی سے متعلق کوتاہی کو واضح کریں گے جو کہ ان کی طرف سے نہیں بلکہ دوسری کمپنی ایلیٹ فلمز کی طرف سے ہوئی جوکہ اس سے پہلے فلم یارا وے کو اسپانسر کر رہی تھی۔بیان میں لکھا گیا ہے کہ ایلیٹ فلمز بغیر کسی پیشگی اطلاع کے اس فلم سے پیچھے ہٹ گئی تھی، بیلین پروڈکشنز پہلے ہی فلم کے کئی فنکاروں، کاسٹ اور عملے کی ادائیگی کے لیے ایلیٹ فلمز کے فنڈز ادا کر چکی ہے۔ بیان میں مزید لکھا گیا ہے کہ حال ہی میں ہمارے نوٹس میں آیا ہے کہ کچھ فنکاروں کی ادائیگیاں باقی ہیں، بیلین پروڈکشنز ابھی ایلیٹ فلمز کے ساتھ قانونی کارروائی مکمل کرنے میں مصروف ہے، کیونکہ انہوں نے فنکاروں کے معاہدے پر دستخط کیے تھے۔ بیان میں پروڈیوسرز نے مرینہ خان کو مخاطب کرتے ہوئے لکھا گیا ہے کہ ہم مرینہ خان جوکہ انٹرٹینمنٹ انڈسٹری کی ایک انتہائی قابل احترام رکن اور ہمارے فلمی خاندان کا حصہ ہیں، ان کے تحفظات کو سمجھتے اور تسلیم کرتے ہیں اور یہ بات واضح کرنا چاہتے ہیں کہ فلم یارا وے اور معزز پیشہ ور افراد کے اسپانسر ہونے کے ناطے ہم شفافیت پر یقین رکھتے ہیں اور اپنے یا اپنی کمپنی کے نام پر ہونے والی بدعملی اور بدانتظامی پر خاموش نہیں رہیں گے۔بیان میں یہ بھی بتایا گیا ہے کہ یہ جانتے ہوئے کہ قانونی مسائل کو حل کرنے میں وقت لگتا ہے، ہم نے عبوری طور پر قانونی کارروائی کے عمل اور اختتام سے قطع نظر، مرینہ خان سے واجب الادا معاوضے کی ادائیگی کرنے کے ارادے سے رابطہ کیا ہے۔
چنئی آسٹریلیا نے تیسرے ون ڈے میں بھارت کو شکست دے کر سیریز 1-2سے جیت لی۔ آخری ون ڈے میں آسٹریلین ٹیم پہلے...
کراچی ٹیسٹ فاسٹ بولر وہاب ریاض نے نگران وزیراعلیٰ پنجاب کے مشیر برائے اسپورٹس اینڈ یوتھ افیئرز کا چارج...
کراچیپاکستان سپر لیگ کی چیمپئن لاہور قلندرز کی انتظامیہ نےمسلسل دوسری مرتبہ ٹائٹل جیتنے پر سپورٹ اسٹاف کا...
کراچینیا ناظم آباد بینکرز کپ کرکٹ ٹورنامنٹ کےافتتاحی میچ میں عمر ایسوسی ایٹس نے سعودی فیلکنز کو چھ وکٹوں...
کراچی پاکستان ہاکی ٹیم کے سابق کپتان شہباز سینئر نے کہا ہے کہ ہاکی پر ایک ہزار ملین روپے بھی لگائیں تب بھی ہم...
کراچی انٹرنیشنل کرکٹ کونسل نے ون ڈے اور ٹیسٹ رینکنگ جاری کردی۔ بابراعظم کی پہلی پوزیشن برقرار ہے۔ روسی وین ڈر...
کراچی لاہور قلندرز کے ڈائریکٹر عاقب جاوید نے کہا کہ ہم نے بہت تجربات کیے، کبھی برینڈن میک کولم کو تو کبھی اے...
کراچی شاداب خان کی قیادت میں نوجوان کھلاڑیوں پر مشتمل پاکستانی کرکٹ ٹیم افغانستان کیخلاف مشکل ٹی ٹوئنٹی...