مختلف علاقوں میں فائرنگ سے دودھ فروش جاں بحق، 2 افراد زخمی

کراچی (اسٹاف رپورٹر) فائرنگ کے واقعات میں ایک شخص جاں بحق اور دو زخمی ہو گئے ، تفصیلات کے مطابق صفورہ ریس کورس کے قریب بدھ اور جمعرات کی درمیانی شب نامعلوم ملزمان کی فائرنگ سے48سالہ محمد نواز جاں بحق ہوگیا،پولیس کے مطابق مقتول دودھ فروش ، گلشن عمیر کا رہائشی ، آبائی تعلق ساہیوال سے تھا ، مقتول کی جیب میں پیسے اور موبائل فون موجود تھا، مزید تفیتش کے دوران یہ بات سامنے آئی ہے کہ اس نے دو شادیاں کی ہوئی ہیں اور دوسری شادی پسند کی تھی جس کے بعد سے پہلی بیوی کے گھر والے اس سے ناراض تھے،پولیس کے مطابق مقتول کے ورثاء نے شبہ ظاہر کیا ہے کہ واقعہ میں مقتول کی پہلی بیوی کے بھائی ملوث ہوسکتے ہیں ، بلدیہ روٹ نمبر X-8بس اسٹاپ کے قریب مسلح ملزمان کی فائرنگ سے 26 سالہ صدام حسین زخمی ہوگیا، پولیس کے مطابق زخمی کی حالت تشویشناک ہے،منگھوپیر امام بخش بخاری مسجد کے قریب نامعلوم سمت سے آنے والی گولی کی زد میں آکر موسیٰ کلیم اللہ زخمی ہوگیا جسے عباسی شہیداسپتال منتقل کیا گیا۔