سندھ حکومت نے آگ بجھانے کے جدید سامان کی فراہمی کیلئے منظوری دیدی، ناصر شاہ

کراچی(سٹاف رپورٹر)وزیر بلدیات، دیہی ترقی اور پبلک ہیلتھ انجینئرنگ سندھ سید ناصر حسین شاہ کی زیرِ صدارت اجلاس سالڈ ویسٹ مینجمنٹ بورڈ کے دفتر میں منعقد ہوا، اجلاس میں آگ بجھانے کے جدید آلات جن میں 8 اسنارکل اور پہلے فیز میں 45 فائر فائٹنگ مشینوں کی خریداری کے لئے چینی کمپنی سے بات چیت کی گئی، چینی کمپنی کے نمائندوں نے وڈیو لنک پر اجلاس میں شرکت کی جبکہ سیکریٹری بلدیات سندھ نجم شاہ، مینجنگ ڈائریکٹر سندھ سالڈ ویسٹ مینجمنٹ بورڈ زبیر چنہ اور دیگر افسران بھی موجود تھے،اس موقع پر وزیر بلدیات نے ہدایات دیں کہ سندھ حکومت نے صوبے کے بلدیاتی اداروں کو آگ بجھانے کے جدید سازوسامان کی فراہمی کے لئے قانونی منظوری دیدی ہے اور مذکورہ جدید سازوسامان کی خریداری کے لئے تیکنیکی ضابطے کی کارروائی کو جلد از مکمل کی جائے ۔